(Видео) Мобилни екипи ловат брзо возење: уапсен 27-годишник од Тетово кој возел мотор со 188 км/ч

Мотоциклист од Гостивар бил фатен како вози со 188 километри на час на автопатот Гостивар–Тетово, на делница каде што максималната дозволена брзина е 80 километри на час. Дваесет и седумгодишникот бил лишен од слобода, соопшти Министерството за внатрешни работи.

— реклама —

Случајот бил откриен денеска, 15 октомври, во 16:20 часот, кога полициските службеници од Мобилната единица за безбедност на сообраќајот на патиштата, со помош на специјално полициско возило – пресретнувач, регистрирале мотоцикл „јамаха“ со гостиварски регистарски ознаки како се движи со недозволена брзина.

— реклама —

View this post on Instagram

Возачот В.Б. (27) од Гостивар бил лишен од слобода поради сомнение за сторено кривично дело „безобѕирно управување со моторно возило“, согласно член 297-а од Кривичниот законик. Од МВР информираат дека се преземени соодветни мерки и против него ќе следува постапка согласно законот.

— реклама —

Од Министерството најавуваат дека продолжуваат засилените сообраќајни контроли со полициски пресретнувачи на територијата на целата држава, со цел откривање и санкционирање на несовесните возачи и зголемување на безбедноста во сообраќајот.

Од МВР потсетуваат дека возењето со брзина над дозволената е една од главните причини за сообраќајни незгоди, кои можат да имаат тешки последици по имотот, здравјето и животот на учесниците.