СДСМ денеска упати критики до Владата за состојбите во земјоделството, со посебен акцент на пчеларството. Од партијата велат дека македонските пчелари се соочуваат со сериозни проблеми и предупредуваат дека производството на мед е доведено во тешка состојба.
Наумоски, во изјава од селото Староец во Кичевско, каде што бил во посета на пчелар, рече дека проблемите се присутни во повеќе земјоделски гранки, а особено во пчеларството.
Според него, состојбата не го засега само производството и егзистенцијата на пчеларите, туку и иднината на македонскиот мед.
„Навистина, ваква ситуација не заслужуваат нашите земјоделци“, порача Наумоски, упатувајќи критики кон Владата.
Тој ја обвини ВМРО-ДПМНЕ дека ги запоставила земјоделците и оцени дека партијата, како што рече, од „народна партија“ се претворила во „организирана криминална група“.
