Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

(Видео) Не еден, туку пет тендери за фирма поврзана со братучедот на директорот на „Бардовци“, вели ДУИ

Скопје1.мк's avatar
Автор: Скопје1.мк

објавено пред 2 месеци -

Македонија
BARDOVCI

ДУИ излезе со нови обвинувања за јавните набавки во Психијатриската болница „Бардовци“, тврдејќи дека компанијата „Индиго Инц“ ДООЕЛ Скопје, која ја поврзува со братучедот на директорот Иса Авдулаи, не добила еден, туку вкупно пет тендери од институцијата откако тој ја презел директорската функција.

Според партиското соопштение, првиот договор бил потпишан на 15 октомври 2024 година, околу три месеци по именувањето на Авдулаи за вршител на должноста директор, а бил во вредност до 600.000 денари.

ДУИ тврди дека на тој договор стои и потписот на самиот директор.

— реклама —

Потоа, според партијата, „Индиго Инц“ добила уште четири тендери, меѓу кои и овогодишна набавка за ИТ-системи и лиценци во вредност до 2,59 милиони денари, односно околу 42.000 евра.

Од ДУИ наведуваат дека сопственикот на компанијата, Бесим Авдулаи, е братучед на директорот Иса Авдулаи и тврдат дека семејната поврзаност била признаена и од самиот директор.

Партијата посочува и дека, според нејзините информации, непосредно пред првиот тендер била направена промена во раководната функција во компанијата, но оценува дека тоа не ја менува семејната поврзаност.

— реклама —

ДУИ бара целосна проверка од Државната комисија за спречување на корупцијата, Бирото за јавни набавки и другите надлежни институции.

„Треба да се проверат сите пет постапки – критериумите, понудите, учесниците и начинот на избор“, бараат од партијата.

Од таму оценуваат дека не е доволно да се тврди оти постапките биле законски или дека директорот не учествувал во комисиите за избор.

— реклама —

„Кога компанија семејно поврзана со раководителот на јавна институција добива пет тендери од истата институција, целосната транспарентност и проверка на постапките се обврска, а не избор“, велат од ДУИ.

Партијата дополнително бара ВЛЕН и раководството на болницата јавно да ги објават документите со кои би се потврдила законитоста на постапките.

„Јавните пари не се семејна сопственост. ‘Бардовци’ не смее да се претвори во семеен бизнис на ВЛЕН“, порачуваат од ДУИ.

— реклама —

Станува збор за обвинувања на ДУИ. Во доставеното соопштение не се приложени самите договори, тендерска документација, понуди или одлуки за избор со кои независно би можеле да се потврдат сите наведени детали.

Сподели

Сподели
Сподели
Сподели
Сподели
Сподели
Сподели
Сподели како слика

Поврзани содржини

media-libraryf7th35aspu7o6GaScvu

ДУИ со одговор до ВРЕДИ: Алта банка е ваше дете, не можете да го оставите пред туѓа врата

Македонија | пред 1 седмица

— реклама —
media-library47o2qshiqcsnbx9ocpk

ДУИ: На Воената академија - 0 кадети албанци

Македонија | пред 2 седмици

dui

ДУИ: Еден од најнегативните извештаи на Европската комисија - политиките на Владата ја враќаат земјата назад

Македонија | пред 2 седмици

dui

ДУИ за случајот со Алта банка: Колку јавни средства се изложени на финансиски ризик?

Македонија | пред 2 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања