(Видео) „Не можеме веќе да спиеме, лаат до зори“: Реакции од револтирани жители на Аеродром поради глутница кучиња

Жители на скопската општина Аеродром преку Фејсбук групата „Општина Аеродром – Пријави проблем“ реагираат поради, како што велат, проблемот со уличните кучиња во населбата и бараат надлежните институции да преземат конкретни мерки.

— реклама —

Според објавата на еден од жителите, станарите од улицата „Владимир Комаров“ со месеци не можат мирно да спијат поради глутница од пет бездомни кучиња кои, како што наведува, лаат во текот на целата ноќ.

„Станари од Владимир Комаров не можеме да спиеме веќе месеци поради овие пет џукели кои без никаква причина лаат цела ноќ. Пред некоја недела дојдоа тројца од Лајка со стапчиња, кобајаги ги ловат. Жими мајка, ништо не направија, џукеливе останаа. Се пуштаат на секоја кола, точак и друго куче“, стои во објавата.

— реклама —

Граѓанинот посочува дека фотографијата и реакцијата се однесуваат на ситуација регистрирана околу 1 часот по полноќ во понеделник.

— реклама —

Жителите очекуваат од ЈП „Лајка“ и надлежните институции да излезат со трајно решение, со цел да се обезбеди безбедност и мир за граѓаните, но и соодветен третман на бездомните животни согласно законските процедури.