(Видео) Необична ситуација пред летот на Трамп: Активиран евакуациски тобоган на претседателскиот авион

Непосредно пред полетувањето на Доналд Трамп за Далас се случил необичен инцидент со претседателскиот авион „Ер форс уан“, откако воени лица случајно го активирале воздушниот тобоган за итна евакуација. Поради инцидентот, полетувањето било одложено.

Извор запознаен со ситуацијата за NBC изјавил дека Трамп, наместо веднаш да излезе од претседателскиот хеликоптер и да се упати кон авионот, како што вообичаено прави, останал во хеликоптерот уште неколку минути.

— реклама —

Потоа американскиот претседател излегол на пистата додека службениците го проверувале активираниот тобоган. Трамп пред новинарите изјавил дека станува збор само за проверка и дека нема безбедносен проблем.

— реклама —

„Само го проверуваат тобоганот“, рекол Трамп, додавајќи дека службениците сакале да се уверат дека сè функционира како што треба.

На прашањето дали смета дека авионот е безбеден за лет, Трамп одговорил: „Да, инаку немаше да бидам во него“.

— реклама —

„Ер форс уан“ неколку часа подоцна безбедно слетал во Далас, иако пристигнал подоцна од првично планираното.

Претседателскиот авион е „Боинг 747-8“ што минатата година американскиот претседател го добил како подарок од катарското кралско семејство. Станува збор за луксузен голем авион кој бил понуден за користење од американската администрација.