Несекојдневна сцена е забележана во Србија, каде што граѓанин запрел автомобил на Google Street View и од возачот побарал да се легитимира, пренесува Нишпресс.рс.
На видеото се гледа како мажот му приоѓа на возачот на автомобилот опремен со камери и бара објаснување за снимањето, како и да ги покаже документите.
Возилата на Google со камери поставени на покривот минуваат низ улиците и снимаат панорамски фотографии што се користат за услугата Street View.
Сепак, овојпат снимањето не поминало незабележано. Граѓанинот решил лично да провери кој управува со возилото и поради која причина се снимаат улиците.
