Израелскиот премиер Бенјамин Нетанјаху предизвика реакции со низа остри и саркастични коментари за Обединетото Кралство, дадени за време на телевизиско интервју.
Зборувајќи за демографските и политичките промени во Европа, Нетанјаху директно го спомна Лондон, тврдејќи дека Британија би можела да се нарече „Исламска Република Британија“.
„Некој рекол дека првата исламска република со нуклеарно оружје ќе биде Исламска Република Британија“, додал израелскиот премиер.
Нетанјаху потоа ја поврзал оваа забелешка со Иран, главниот регионален ривал на Израел, осврнувајќи се на британскиот нуклеарен арсенал и предупредувајќи дека Израел е загрижен дека „ќе има уште една“ нуклеарна сила во Иран.
Коментарите, иако биле изнесени во опуштен тон, предизвикаа внимание поради острината кон еден од традиционалните сојузници на Израел. Останува да се види дали и како официјален Лондон ќе реагира на изјавите на израелскиот премиер.
