Градоначалникот на Скопје, Орце Ѓорѓиевски, објави дека на еден од влезовите во главниот град е поставена светлечка табла со натпис „Добредојдовте во Скопје“.
Според него, станува збор за симболична порака со која градот ги пречекува сите посетители и патници што пристигнуваат во Скопје.
„Поставивме светлечка табла со натпис „Добредојдовте во Скопје“ – порака со која испраќаме топло добредојде до сите што пристигнуваат во нашиот град“, напиша Ѓорѓиевски.
Тој додава дека станува збор за дел од активностите за уредување и разубавување на градот.
„Скопје го разубавуваме со љубов, внимание и посветеност, затоа што секој детал е важен кога градиме град со препознатливо лице и топла душа“, наведува градоначалникот.
