Прашањето со кое „Претрес со Ландов“ ја отвора својата четврта сезона повеќе нема да остане само во студиото. „Спиете ли мирно?“ од вечерва излегува на улиците, како дел од новата кампања на емисијата.
За кампањата е подготвено специјално брендирано електрично возило „Тесла“, во соработка со „Аутовелт“ (светот на најдобрите автомобили!) кое низ Скопје ќе ја носи пораката што ја одбележува новата сезона на „Претрес“.
Но, „Спиете ли мирно?“ не е замислено само како слоган.
Тоа е прашање околу кое се гради целата четврта сезона – прашање за одговорноста, совеста, молкот и за сите оние теми за кои најчесто е полесно да не се зборува.
Токму затоа, пораката овојпат го напушта телевизиското студио.
Новото промотивно видео започнува во ноќните часови од плацот на „Аутовелт“, од каде брендираната „Тесла“ тргнува низ градот. Пораката намерно не се открива веднаш. Низ детали од возилото и кадри од ноќно Скопје постепено се гради до моментот кога прашањето конечно станува видливо.
„Долго го подготвувавме прашањето. Но, не го создадовме за да остане во студиото. Од вечерва, тоа е на улиците“, е пораката што ја следи кампањата.
Видеото завршува со речениците што ја објаснуваат суштината на новиот концепт:
„Не дојдовме да го разбудиме градот. Дојдовме да ја разбудиме совеста. Спиете ли мирно?“
Соработката со „Аутовелт“ е интегрирана во самата приказна на кампањата, а не само како класично рекламно присуство. Возилото станува подвижен дел од визуелниот идентитет на четвртата сезона и начин пораката на „Претрес“ буквално да се пренесе од студиото на улиците.
Изборот на електрична „Тесла“ истовремено внесува и порака за современа и поодговорна мобилност, додека „Аутовелт“, како партнер на проектот, е почетната точка од која кампањата тргнува кон градот. Во време кога се бориме со климатски промени, загаден воздух и загушена животна средина - „Претрес“ преку соработката со „Аутовелт“ испраќаат порака дека со електричните возила покажуваме грижа за околината.
„Спиете ли мирно?“ ќе биде централната нишка што ќе ја следи четвртата сезона на „Претрес со Ландов“.
Прашањето е поставено.
Одговорите допрва следуваат.
Сѐ започнува од среда, 21 часот!
