Драматични сцени се забележани на еден автопат во Кувајт, каде што на социјалните мрежи беше објавена снимка на која, според тврдењата на корисниците, се гледаат ирански проектили како прелетуваат над земјата.
На видеото може да се забележат и ракети-пресретнувачи кои биле лансирани со цел да ги неутрализираат проектилите во воздух.
Присуството на ракетите и експлозиите на небото предизвикале паника кај возачите кои се движеле по автопатот. Во обид да застанат или да избегнат опасност, настанал хаос во сообраќајот, по што дошло и до судир меѓу возила.
Засега нема официјални информации за евентуално повредени лица или за обемот на материјалната штета во несреќата.
Снимката брзо се прошири на интернет, додека властите сè уште не излегоа со официјален став за инцидентот и за потеклото на проектилите забележани на небото над Кувајт.
