(ВИДЕО) Пекол во Хонгконг, горат облакодери, има и загинати

Според досегашните податоци во голем пожар кој зафати неколку станбени згради во Хонгконг, има најмалку четири загинати лица, а најмалку тројца други се згрижени во болници, од кои двајца се во критична состојба, соопшти владата.

Снимките се страотни и регистрираат пламен и чад од кулите. Се верува дека се заробени неколку луѓе.

— реклама —

Пожарот најверојатно се проширил низ скелињата од бамбус од надворешната страна на зградите, а службите за итни случаи се на местото на настанот.

— реклама —

Противпожарната служба објави дека во 14:51 часот по локално време добила пријава дека избувнал пожар во зграда во населбата Ванг Фук Корт. Во 15:34 часот алармот е подигнат на ниво 4.

— реклама —

Ванг Фук Корт е станбен комплекс има од осум блока, со околу 2.000 станбени единици. Неколку кули околу запалената кула имаат бамбусови скелиња на нивната фасада. На зградите се вршеле работи за реновирање. Снимките покажуваат дека и фасадните скелиња се зафатени од пламен на неколку ката, а запалените остатоци се уриваат на земјата. Дополнително, видливи се и пожари во некои станови.

Засега не е познато како започнал пожарот, како и информации за тоа колку луѓе се наоѓаат во зградите.