Хонг Конг

151 загинат во катастрофалниот пожар во Хонг Конг: уапсени 25 лица, сомнежи за корупција и небезбедна обнова

Хонгконшките власти најавија формирање независно истражно тело предводено од судија, со цел да се утврдат причините за катастрофалниот пожар во станбениот комплекс „Ванг Фук Корт“, во кој загинаа најмалку 151 лице – најголема ваква трагедија во градот во последните неколку децении.Телата на жртвите биле пронајдени на скалиштата и покривите на зградите додека жителите очајно се обидувале да избегаат од пламените јазици.Полицијата уапсила 13 лица под сомнение за убиство од небрежност, а дополнителни 12 лица се приведени во антикорупциска истрага поврзана со обновата на комплексот. Засега не е познато дали уапсените лица се преклопуваат, пренесува „Ројтерс“.Според првичните информации, пластична мрежа и изолациска пена користени за време на градежните работи овозможиле пожарот да се прошири со огромна брзина низ седумте високи кули на комплексот, каде живеат повеќе од 4.000 луѓе.Тестирањата покажале дека дел од материјалите не ги исполнувале противпожарните стандарди, а дел од опремата бил намерно скриен од инспекциските служби, изјави главниот секретар Ерик Чен.Жителите уште во септември 2024 година предупредувале дека се користат високо запаливи материјали, но властите тогаш одговориле дека ризикот е „релативно низок“, соопшти Министерството за труд.Властите потврдија дека противпожарните аларми во дел од зградите не функционирале исправно, што значително го отежнало навременото предупредување и евакуација.Изолациската пена, според експертите, дополнително придонела за брзото ширење на огнот.По барањата за поголема транспарентност од граѓански организации, полицијата привела студент под сомнение за „поттикнување бунт“, а уште две лица се под истрага. Полицијата не ги коментира случаите.„Нема да толерирам злоупотреба на трагедијата за извршување кривични дела,“ изјави лидерот на извршната власт Џон Ли.Од меѓународните организации за човекови права реагираа спротивно.„Критичките гласови не смеат да бидат криминализирани,“ порача Илејн Пирсон од Human Rights Watch.Кинескиот кабинет за национална безбедност предупреди дека трагедијата не смее да се користи за „враќање на Хонгконг во хаос“ како во 2019 година, за време на масовните продемократски протести.И покрај трагедијата, локалните избори закажани за недела ќе се одржат според планот. Аналитичарите велат дека исходот може да биде показател за јавниот однос кон управувањето со кризата.Потрагата по исчезнатите продолжува – се смета дека околу 30 лица сè уште не се пронајдени. Двата најтешко оштетени кули не се целосно пребарани, а властите предупредуваат дека операцијата може да трае со недели.Фотографиите од местото на несреќата прикажуваат истражители во заштитни одела како влегуваат во опожарени станови со целосно уништена внатрешност. Според SPCA Hong Kong, во пожарот загинале повеќе од 60 домашни миленици, а околу 200 се спасени.Околу 1.500 жители се преселени од прифатните центри во привремен сместувачки капацитети, а дополнителни 945 луѓе се сместени во хостели и хотели. Властите обезбедиле итна еднократна финансиска помош од 10.000 хонгконшки долари (околу 1.180 евра) по домаќинство, како и забрзано издавање нови лични документи.

Свет | пред 2 дена

Полицијата ги пребарува изгорените облакодери во Хонг Конг: досега 146 загинати, 11 уапсени

Властите во Хонг Конг денес продолжуваат со пребарување на преостанатите облакодери уништени во големиот пожар во кој загинаа најмалку 146 лица, а стотици жители останаа без дом и сега се приспособуваат на живот во привремени сместувања.Полицијата ја заврши претрагата на четири од седумте згради што беа зафатени од најсмртоносниот пожар во градот во изминатите повеќе од 75 години. Телата на загинатите биле пронајдени по скалиte и на покривите, каде што биле заробени додека се обидувале да избегаат од огнената стихија.Во текот на неделава ќе се одржат бденија и во Токио и во Лондон. Властите соопштија дека околу 40 лица сè уште се водат како исчезнати.Причината за пожарот сè уште непознатаПожарот, кој избувна минатата среда и брзо се прошири по надворешните делови на становите кои биле во реновирање, сè уште се истражува.Во услови на растечки револт кај јавноста поради пропуштени предупредувања за опасност од пожар и индиции за небезбедни градежни практики, Пекинг предупреди дека ќе се спротивстави на сите протести.Најмалку едно лице поврзано со петиција со која се бара независна истрага било приведено, наведуваат извори запознаени со случајот.Во изгорените згради живееле над 4.000 луѓеПреостанатите згради што треба да се пребараат се „најтешките“, изјави високата полициска службеничка Ејми Лам, додавајќи дека последниот дел од потрагата може да трае со недели.Голем број полициски екипи утринава пристигнаа на местото за да продолжат со пребарувањето на изгорените згради во кои живееле повеќе од 4.000 лица.Повеќе од 1.100 луѓе се преместени од евакуациските центри во привремени сместувачки капацитети, а дополнителни 680 лица се сместени во младински домови и хотели, соопштиле властите.Бидејќи многу жители ги оставиле своите лични предмети додека бегале од пожарот, властите им доделија итна помош во висина од 1.284 долари по домаќинство и обезбедија поддршка за издавање нови лични документи, пасоши...Во рамки на истрагата уапсени 11 лицаВо текот на истрагата уапсени се 11 лица под сомнение за корупција и употреба на небезбедни материјали при реновирањето.Зградата била обвиена со зелена заштитна мрежа и бамбусови скелиња, а била прекриена и со пена-изолација. Противпожарните аларми во комплексот исто така не функционирале правилно, соопштиле властите.Жителите на населбата Ванг Фук минатата година добиле уверување од властите дека ризикот од пожар е „релативно низок“, иако претходно поднеле претставки за можни опасности, соопшти градското Министерство за труд.Портпарол на министерството додаде дека жителите во септември 2024 година повторно изразиле загриженост за потенцијалната запалливост на заштитните мрежи поставени околу скелите.Притворени активисти кои бараат независна истрагаВо саботата полицијата го привела 24-годишниот Мајлс Кван, член на групата што ја покренала петицијата за независна истрага за корупција и за засилен надзор на градежните работи, потврдија две лица запознаени со случајот.Уште две лица се уапсени под сомнение за поттикнување немири, објави „Саут Чајна Морнинг Пост“.Кинескиот Канцеларија за национална безбедност предупреди дека поединци не смеат да ја користат трагедијата за да го „вратат Хонг Конг во хаосот“ од 2019 година, истакнувајќи:„Без разлика на методите што ќе ги користите – ќе сносите одговорност и ќе бидете строго казнети.“

Свет | пред 3 дена

Најмалку 128 загинати во најсмртоносниот пожар во последните 80 години - Хонг Конг во тридневна жалост

Хонг Конг утрово оддаде почит на најмалку 128 загинати во катастрофалниот пожар што го зафати стамбениот комплекс „Wang Fuk Court“, додека околу 200 лица сè уште се водат како исчезнати. Шефот на администрацијата Џон Ли, заедно со високи владини претставници облечени во црно, одржа триминутно молчење пред седиштето на централната влада, каде знамената беа спуштени на половина копје. По церемонијата, официјалните лица се запишаа во книгата на сочувство за жртвите.Пожарот, кој се прошири со неверојатна брзина во средата попладне, зафати седум од осумте 32-катни згради во комплексот, обвиени со бамбусови скелиња, зелена заштитна мрежа и пена за изолација што се користела при обновата. Властите соопштија дека противпожарните аларми не функционирале, а токму тоа дополнително го отежнало спасувањето на жителите.Полицијата уапси 11 лица под сомнение за корупција, небезбедни градежни материјали и пропусти при изведбата на работите. Спасувачките тимови ја завршија првата фаза од пребарувањето во петокот, но предупредуваат дека во целосно изгорените делови од зградите може да бидат пронајдени уште тела.Ова е најсмртоносниот пожар во Хонг Конг од 1948 година, кога во складичен пожар загинаа 176 луѓе. Трагедијата веднаш повлече споредби со пожарот во „Гренфел тауер“ во Лондон во 2017 година, во кој животите ги загубија 72 лица.Жителите претходно во повеќе наврати предупредувале на опасностите од обновата, а во септември 2024 година до градските власти поднеле жалби за запалливоста на заштитната мрежа што ја користеле изведувачите. И покрај тоа, минатата година им било соопштено дека ризикот од пожар е „релативно низок“. Сега, по трагедијата што го потресе целиот град, многумина прашуваат дали навреме можело да се спречи едно од најцрните поглавја во поновата историја на Хонг Конг.

Свет | пред 5 дена

Бројот на жртви во пожарот во Хонг Конг се искачи на 65, а 300 лица се водат за исчезнати

Бројот на жртви во страотниот пожар во Хонг Конг се искачи на 65, повредени се 70, а повеќе од 300 лица се водат како исчезнати.Повеќе од 24 часа по избувнувањето на пожарот, пожарникарите сè уште се борат да стигнат до жителите кои најверојатно се заробени на горните катови од станбениот комплекс Ванг Фук Корт поради интензивната топлина и густиот чад.Пожарникарите го ставија под контрола.Во соопштението од надлежните се наведува дека се подготвува официјално барање до Пекинг за помош и поддршка, како и дека за преживеаните е обезбедено привремено сместување со парична отштета.Кинеските компании најавија донации за жртвите од пожарот, вклучувајќи ги производителите на автомобили Xiaomi, Xpeng и Geely, добротворната фондација на основачот на Alibaba, Џек Ма, и Tencent.Генералниот секретар на администрацијата, Ерик Чан, изјави дека ќе се спроведе сеопфатна истрага, вклучувајќи кривична истрага од страна на полицијата, како и истрага од страна на локалното Министерство за домување за тоа дали заштитниот материјал на надворешните ѕидови на зградата ги исполнува противпожарните стандарди, јавува Би-Би-Си.

Свет | пред 1 седмица

44 мртви, 279 исчезнати: ужасни се последиците од стравичниот пожар во Хонг Конг

Стравичен пожар го зафати стамбениот комплекс „Ванг Фук Корт“ во Хонг Конг, при што животот го загубија најмалку 44 лица, а пожарникарите и понатаму се борат со огнената стихија. Според последните податоци, дури 279 жители сè уште се водат како исчезнати, додека спасувачките тимови започнаа пребарување на дел од високите згради во комплексот.Според болничката управа на Хонг Конг, до утринава биле хоспитализирани најмалку 66 лица, од кои 17 во критична, а 24 во тешка состојба.Повеќе од 900 станари се евакуирани во привремени засолништа. Полицијата уапси двајца директори и еден консултант од градежната компанија поврзана со комплексот, под сомнение за убиство од небрежност.Комплексот „Ванг Фук Корт“ го населуваат околу 4.600 луѓе, од кои речиси 40 проценти се постари од 65 години, покажуваат податоците од пописот од 2021 година. Многумина од нив живеат таму уште од 80-тите години, кога било изградено ова субвенционирано јавно домување.Како што продолжува гаснењето на преостанатите жаришта, спасувачките тимови ги изнесуваат телата на загинатите. Снимките на агенцијата „Ројтерс“ прикажуваат како црни вреќи со посмртни останки се внесуваат во возила на итната помош.Преживеани станари за Си-Ен-Ен изјавија дека стравуваат оти конечниот биланс ќе биде уште потежок, бидејќи пожарникарите се соочиле со огромни потешкотии да стигнат до луѓето заробени на високите катови на комплексот.

Свет | пред 1 седмица

(ВИДЕО) Пекол во Хонгконг, горат облакодери, има и загинати

Според досегашните податоци во голем пожар кој зафати неколку станбени згради во Хонгконг, има најмалку четири загинати лица, а најмалку тројца други се згрижени во болници, од кои двајца се во критична состојба, соопшти владата.Снимките се страотни и регистрираат пламен и чад од кулите. Се верува дека се заробени неколку луѓе.Пожарот најверојатно се проширил низ скелињата од бамбус од надворешната страна на зградите, а службите за итни случаи се на местото на настанот.Противпожарната служба објави дека во 14:51 часот по локално време добила пријава дека избувнал пожар во зграда во населбата Ванг Фук Корт. Во 15:34 часот алармот е подигнат на ниво 4.Ванг Фук Корт е станбен комплекс има од осум блока, со околу 2.000 станбени единици. Неколку кули околу запалената кула имаат бамбусови скелиња на нивната фасада. На зградите се вршеле работи за реновирање. Снимките покажуваат дека и фасадните скелиња се зафатени од пламен на неколку ката, а запалените остатоци се уриваат на земјата. Дополнително, видливи се и пожари во некои станови.Засега не е познато како започнал пожарот, како и информации за тоа колку луѓе се наоѓаат во зградите.

Свет | пред 1 седмица

Македонската музика го освои Хонг Конг: триумф на Симон Трпчески и „Makedonissimo“

Во полна сала на City Concert Hall во Хонг Конг, светски познатиот македонски пијанист Симон Трпчески го претстави својот уникатен проект „Makedonissimo“, создавајќи спој на македонската и кинеската музичка традиција што ја воодушеви публиката.На настанот присуствуваше и амбасадорот на Македонија во Кина, Сашко Насев, кој ја поздрави маестралната изведба на Симон Трпчевски и ја поддржа македонската уметност пред локалната бројната публика во Хонг Конг.Во објава на Фејсбук, Трпчевски рече дека имал особена чест да го претстави „Makedonissimo“ на „Asia+ – фестивалот на уметноста без граници“ во Хонг Конг.Со поддршка на визијата и посветеноста на Нелсон Лаи и неговиот извонреден тим од LCSD, кои го промовираа и мојот прв концерт во Хонг Конг во 2004 година. Овој настап претставуваше значајно уметничко враќање за мене.Настапот ги вклучи и извонредните локални музичари — Дидабој на суона, Пик Сум на ерху и композиторот Џони Јим. Заедно создадовме силна фузија на македонската и кинеската музичка традиција, која ја воодушеви публиката во City Concert Hall и ги крена присутните на нозе!Изразувам искрена благодарност до страстната и дарежлива публика во Хонг Конг, чии ентузијазам и топлина ги разбудија убавите спомени од моите претходни посети и ја направија оваа повторна средба особено значајна по многу години.Посебна благодарност упатувам и до македонската заедница во Хонг Конг, вклучувајќи го амбасадорот на Македонија во Кина, г. Сашко Насев, и неговата сопруга, кои допатуваа од Пекинг специјално за оваа пригода.Благодарам на сите пријатели на Македонија, Хонг Конг и Кина, чие присуство придонесе за вечер исполнета со длабока уметничка поврзаност и културна прослава. Гостопримството, почитта и топлината покажани кон ансамблот „Makedonissimo“ ќе останат незаборавни.Ансамблот и јас со нетрпение очекуваме повторно враќање и создавање нови, незаборавни музички моменти заедно.谢谢! Благодарам!, напиша нашиот светски познат Симон Трпчевски.

Магазин | пред 4 седмици