(Видео) Пентагон објави нови доверливи досиеја за НЛО: Пријавени зелени дискови и огнени топки

Министерството за одбрана на САД денеска објави нова серија претходно доверливи досиеја за наводни забележувања на неидентификувани летечки објекти, меѓу кои има и пријави за зелени дискови и огнени топки забележани над Ново Мексико.

Објавени се вкупно 222 досиеја, а дел од нив се однесуваат на истраги спроведени во строго таен објект во Сандија во периодот од 1948 до 1950 година.

— реклама —

Според документите, во близина на воена база биле регистрирани 209 сведоштва за „зелени топки“, „дискови“ и „огнени топки“.

— реклама —

Објавувањето на документите е дел од процесот започнат по налог на американскиот претседател Доналд Трамп. Првата серија доверливи материјали беше објавена на 8 мај.

— реклама —

Американскиот министер за одбрана Пит Хегсет изјави дека документите, фотографиите и видеоснимките за „неидентификувани аномални феномени“ со години предизвикувале бројни шпекулации.

„Време е американскиот народ сам да го види тоа“, изјави Хегсет.

Експертите оценуваат дека иако досиејата содржат нови видеоснимки и сведоштва, засега нема конечни докази за вонземска технологија или постоење вонземски живот.