Полициски службеници откриле поголема количина различни видови дрога при претрес во стан во Скопје, а против две лица е поднесена кривична пријава.
Како што соопшти МВР, на 2 и 3 јули 2026 година, Единицата за недозволена трговија при СВР Скопје извршила претрес во стан што го користеле М.Б. и Н.Ј., кои претходно биле лишени од слобода од полициски службеници од Единицата за интервентна полиција.
При претресот, извршен по судска наредба, биле пронајдени и одземени 11,5 килограми марихуана, 400 грама кокаин, амфетамин, екстази, ЛСД, масло-хашиш, смола и халуциногени печурки.
Двете лица се задржани за понатамошна постапка, а Единицата за недозволена трговија до надлежното Основно јавно обвинителство поднела кривична пријава по итна постапка.
