(Видео) Поплави и свлечишта, евакуирани над 1.000 луѓе: Катастрофално невреме во Чиле

Обилните дождови предизвикаа поплави и свлечишта во Сантијаго и околните подрачја на Чиле, поради што повеќе од 1.000 луѓе беа евакуирани, а најмалку шест лица беа повредени, соопштија денеска властите.

Претседателот на Чиле, Хозе Антонио Каст, прогласи вонредна состојба во Лас Кондес, источно предградие на Сантијаго, откако поројните дождови ги направија главните патишта непроодни.

— реклама —

Во тоа подрачје во последните денови наврнале 14,4 сантиметри дожд, што е околу девет пати повеќе од просечната количина врнежи за октомври, изјави градоначалничката на Сантијаго, Каталина Сан Мартин.

— реклама —

Реката Мапочо се излеа од своето корито, поради што беа наредени евакуации.

Пожарникарите спасија или евакуираа повеќе од 1.000 луѓе, а меѓу повредените е и едногодишно дете со скршеници на коските.

— реклама —

Во четвртокот немало пријавени смртни случаи.

Чилеанската агенција за справување со катастрофи стави уште 10 окрузи во состојба на висока подготвеност поради ризикот од нови свлечишта и нареди затворање на училиштата.

Се очекува дождовите во Чиле денеска да ослабнат.