(Видео) Пожарот зад Водно е во близина на куќи

Голем пожар избувна над селото Чифлик во Општина Сопиште, зад Водно, а огнот е во близина на куќи. На терен започнува интервенција на скопската Противпожарна бригада, додека Дирекцијата за заштита и спасување подготвува три авиони „Ер трактор“ за гаснење од воздух.

— реклама —

Од ДЗС информираат дека кон подрачјето на Сопиште се упатени и четири специјализирани возила „пинцгауер“.

— реклама —

View this post on Instagram

„Три ер трактори се подготвуваат за полетување кон пожарот на територијата на Општина Сопиште, зад Водно“, информираат од ДЗС.

— реклама —

Речиси истовремено тежок пожар избувнал и на територијата на Волково. Според ДЗС, екипите на Бригадата за противпожарна заштита Скопје постепено го ставаат тој пожар под контрола.

Во моментов фокусот на противпожарните и спасувачките екипи е насочен кон пожарот во Сопиште, каде поради близината на огнот до населени места се ангажираат дополнителни сили и воздушна поддршка.