(Видео) Прескокнал заштитна ограда во британска зоолошка градина и влегол кај тигарот, кој го убил

Човек загинал откако влегол во просторот во кој престојува тигар во зоолошка градина во Англија, откако претходно ја прескокнал заштитната ограда. Инцидентот се случил во паркот „Јоркшир“, во близина на Донкастер, објави ИТВ.

— реклама —

Според информациите од полицијата на Јужен Јоркшир, нападот се случил во саботата, на 10 октомври, околу 13:30 часот. И покрај обидите на медицинските екипи да му помогнат, човекот починал на местото на настанот.

— реклама —

Неговиот идентитет сè уште не е објавен, а полицијата потврдила дека семејството е известено. Во тек е истрага за да се утврди како посетителот успеал да влезе во просторот на тигарот.

Управата на паркот соопшти дека амурскиот тигар Алтај не е повреден и дека нема да биде евтаназиран поради инцидентот. Паркот останал затворен, а на вработените кои биле погодени од настанот им се обезбедува стручна поддршка.

— реклама —

На социјалните мрежи се појавиле снимки од нападот, за кои се предупредува дека може да бидат вознемирувачки.