(Видео) Протести поради високите цени во Италија: Летаа експлозивни направи, полицијата употреби солзавец

Протестите поради високите трошоци за живот, цените на горивата и даночниот товар во Италија прераснаа во насилни судири меѓу демонстрантите и полицијата. Најсериозна била ситуацијата во Милано, каде што стотици маскирани млади луѓе го зазеле централниот плоштад „Пјаца дел Дуомо“, принудувајќи ги полициските сили привремено да се повлечат.

Според италијанската новинска агенција АНСА, судири биле пријавени и во Торино, Болоња и Бергамо.

— реклама —

За време на немирите во Милано, демонстрантите облечени во црно фрлале кон полицијата домашно изработени експлозивни направи, шишиња и метални бариери. Полицајците се повлекле додека не пристигнало засилување, по што плоштадот бил опколен со околу 20 полициски комбиња и теренски возила.

— реклама —

На улиците биле поставени барикади, биле палени предмети, а излозите на продавниците биле искршени. Полицијата употребила водени топови и солзавец за да ги растера демонстрантите.

Во Милано биле повредени најмалку четворица полицајци и 20 демонстранти. Приведени биле повеќе од 50 млади луѓе, од кои речиси половината биле малолетници.

— реклама —

Според полицијата, учесниците во немирите пристигнале од миланските предградија, околните градови и други провинции, организирани во помали групи. Меѓу нив имало млади луѓе со италијанско и странско потекло.

Како што пренесува АНСА, групите успеале да ја преземат контролата врз протестот, кој од демонстрации против животните трошоци прераснал во насилни судири.

View this post on Instagram