Неколку стотици демонстранти протестираа во Венеција поради пристигнувањето на луксузната јахта на американскиот амбасадор во Италија и милијардер Тилман Фертита, при што накратко дојде до судир со интервентната полиција.
Активистите оценија дека посетата на Фертита претставува непотребно демонстрирање на американското богатство и влијание. Тие истовремено ја критикуваа и политиката на администрацијата на американскиот претседател Доналд Трамп.
Демонстрантите се движеа зад транспарент со натпис „Венеција не е на продажба“, а кога се приближиле до полицискиот кордон што го обезбедувал пристапот до суперјахтата, ги кренале рацете во знак дека протестот е мирен. Сепак, полицијата ги оттурнала со штитови, по што кон припадниците на безбедносните сили биле фрлани гумени реквизити и топки за плажа. По инцидентот, демонстрантите извикувале „Срамота“.
Фертита пристигнал во Венеција во рамки на дипломатска турнеја по повод 250-годишнината од независноста на САД. Неговата 117-метарска јахта „Boardwalk“, која располага со шест палуби, два хелиодрома, два базени, спа-центар и фитнес-сала, беше закотвена во близина на плоштадот „Свети Марко“ под засилено полициско обезбедување.
Американскиот амбасадор одби да даде интервју, но во писмена изјава порача дека го поддржува правото на мирен протест.
„Ги сакам Италијанците. Ние, Американците, ја почитуваме слободата на говорот и правото на мирен протест“, наведе Фертита.
Организаторите на протестот тврдат дека се спротивставуваат не само на пристигнувањето на јахтата, туку и на политиките на администрацијата на Трамп. Според нив, луксузното пловило е симбол на растечката нееднаквост и на претворањето на Венеција во град насочен исклучиво кон туризмот.
Фертита е милијардер кој богатството го стекнал во угостителството, хотелиерството и казино-индустријата, а е сопственик и на НБА-клубот „Хјустон рокетс“. За американски амбасадор во Италија беше именуван во 2025 година. Времето денес ќе биде сончево и многу топло, со мала до умерена облачност. Во попладневните часови на повеќе места ќе има услови за локална појава на пороен дожд и грмежи.
Ќе дува слаб до умерен ветер од променлив правец. Утринските температури ќе се движат од 14 до 22 степени, а дневните ќе достигнат од 33 до 39 степени.
Во Скопје ќе преовладува сончево и многу топло време со мала до умерена облачност. Ќе дува слаб до умерен ветер од променлив правец, а попладне во делови од котлината ќе има услови за изолирана појава на пороен дожд и грмежи.
Минималната температура во главниот град ќе изнесува околу 21 степен, а максималната ќе достигне до 39 степени.
