Саудиските воени авиони извршиле серија воздушни напади врз повеќе области во Јемен, јави телевизијата „Ал Масира“, која е под контрола на Хутите.
Според наводите на телевизијата, пет воздушни напади го погодиле округот Хаб ва Ша’аф во провинцијата Ал Џауф. Дополнителни десет напади биле изведени врз области во округот Сирвах во провинцијата Мариб, додека пет напади ја погодиле областа Ал Барх во провинцијата Таиз.
„Ал Масира“ објави и дека саудиските сили го бомбардирале Гор ал-Мишват во пограничниот округ Гамр.
Засега нема независна потврда за наводните напади од страна на коалицијата предводена од Саудиска Арабија во Јемен.
