Автобус на превозникот „Дурмо Турс“ денеска се запали додека се движел по автопатот Тетово–Гостивар.
На социјалните мрежи и во медиумите се појави видео од инцидентот, на кое се гледа автобусот целосно зафатен од пламен.
Поради интервенцијата, сообраќајот на делницата Тетово–Гостивар во изминатите часови се одвивал отежнато.
Засега не се познати причините за избувнувањето на пожарот, ниту дали има повредени лица.
Повеќе информации од надлежните институции се очекуваат во текот на денот.
