(Видео) Сеќавање на трагедијата кај Струмица: Пред 14 години четворица пожарникари ги загубија животите во огнената стихија

Денес се одбележуваат 14 години од трагичниот пожар кај Струмица, во кој животот го загубија пожарникарите Блажо Стојков, Пено Стојанов, Мите Ѓоргиев и Војо Гркљанов.

— реклама —

Од Територијалната противпожарна единица Струмица потсетија на кобните моменти кога четворицата храбри пожарникари биле опколени од огнената стихија при интервенција на терен.

„Секој пожарникар-спасител и секој граѓанин кој учествуваше во гаснењето на овој пожар знае со каква невидена пеколна стихија се соочивме во тие моменти“, наведуваат од струмичката противпожарна единица.

— реклама —

Во нивната објава им оддаваат почит на загинатите колеги, истакнувајќи дека нивната жртва никогаш нема да биде заборавена.

— реклама —

„Вечна им слава“, порачуваат пожарникарите од Струмица.