(Видео) Силен земјотрес во Кина: Две лица загинаа, илјадници евакуирани

Земјотрес со јачина од 5,2 степени според Рихтеровата скала утрово го погоди југозападниот кинески регион Гуангси, при што загинаа две лица, а повеќе од 7.000 жители во градот Лиужоу беа евакуирани.

Според кинеските државни медиуми, спасувачките операции и понатаму траат, додека властите предупредуваат на нарушувања во сообраќајот.

— реклама —

Потврдена е смртта на две лица, едно лице сè уште се води како исчезнато, а четири лица се пренесени во болница. Според информациите, никој од повредените нема животозагрозувачки повреди.

— реклама —

Државната телевизија CCTV објави дека во раните утрински часови се урнале 13 згради.

— реклама —

Железничките власти предупредија и на можни проблеми во железничкиот сообраќај додека се вршат проверки на инфраструктурата по земјотресот.

Државните медиуми наведуваат дека комуникациските и електричните линии, како и водоснабдувањето, снабдувањето со гас и патниот сообраќај во погоденото подрачје засега функционираат нормално.