(Видео) Силно невреме и торнадо го погодија Рим, поплавени улици и урнати дрвја

Силно невреме проследено со обилни врнежи и торнадо денеска го погоди Рим, предизвикувајќи материјална штета и сериозни проблеми во сообраќајот.

— реклама —

Според италијанските медиуми, силниот ветер соборувал дрвја и тезги на градските пазари, додека поројните дождови довеле до поплавување на повеќе делови од главниот град.

Најпогодени биле населбите Номентано, Саларио и Париоли, каде што атмосферската канализација не можела да ја прими големата количина вода. На одредени улици нивото на водата достигнало висина речиси до автомобилите, поради што сообраќајот бил привремено запрен.

— реклама —

— реклама —

Освен Рим, силното невреме зафати и други делови на Италија. Поплави и проблеми се регистрирани во регионите Фурланија, Тоскана и Лацио, каде што службите интервенираат на повеќе локации.

Надлежните власти внимателно ја следат состојбата и апелираат до граѓаните да бидат претпазливи и да избегнуваат движење низ поплавените подрачја додека трае нестабилното време.