Силно невреме проследено со пороен дожд и град попладнево го зафати подрачјето кај Групчин, предизвикувајќи отежнати услови за одвивање на сообраќајот на автопатот Тетово–Скопје.
Според очевидци, за кратко време врнежите значително се интензивирале, а градот го покрил коловозот, поради што видливоста била намалена, а возачите биле принудени да ја намалат брзината и да возат со зголемена претпазливост.
„Поинтензивна нестабилност со пороен дожд, грмежи, засилен ветер и појава на град има помеѓу Тетово и Скопје. Умерени врнежи проследени со грмежи има во Крива Паланка и околината“, велат од УХМР.
