(Видео) Синер го пофали Ѓоковиќ: „Тој е најдобар во тоа“

Првиот тенисер на светот, Јаник Синер, се осврна на ситуациите кога тенисерите, покрај противникот на другата страна од мрежата, мора да се соочат и со публика која често зазема страна на теренот. Тој истакна дека секој играч има свој начин на справување со таквите околности, но посебно го издвои Новак Ѓоковиќ како пример за најдобра контрола во такви моменти.

— реклама —

Синер нагласи дека Ѓоковиќ многу мудро се справува со притисокот од трибините и дека, според него, токму тој е најдобар во тоа. Тој додаде дека нема посебна формула за справување со негативна публика, туку се обидува да остане смирен и фокусиран на играта, дури и кога поддршката е насочена кон противникот.

— реклама —

Италијанскиот тенисер посочи дека публиката често доаѓа со желба да гледа подолги и поинтересни натпревари, па затоа понекогаш навива за аутсајдерот или против фаворитот. Според него, важно е играчот да ја разбере таа динамика и да не дозволи таа да влијае на неговата игра.

Синер се најде во слична ситуација во полуфиналето на турнирот во Мадрид, каде што го совлада Артур Фис со 6:2, 6:4, при што поголем дел од публиката навивала за францускиот тенисер.

— реклама —

Тој додаде дека настапите во родната Италија му претставуваат посебно задоволство, додека атмосферата во Мадрид ја оцени како коректна и спортска. Во финалето на турнирот, Синер ќе се соочи со Александар Зверев, во натпревар кој се игра од 17:00 часот.