(Видео) Снимка од бруталната интервенција на полицијата врз демонстранти во Ваљево

Во Ваљево, граѓани одговорија на повикот на студентите и повторно се собраа на протест под мотото „Вечерас пукате по шавовима“. Атмосферата цела вечер била исклучително напната, со силно полициско присуство и двоен кордон во опрема за разбијање протести.

— реклама —

— реклама —

На снимките што кружат на социјалните мрежи се гледа како униформирани полициски службеници применуваат брутална сила врз граѓаните – тепаат со пендреци и удираат со нозе, а дел од демонстрантите се обиделе да се засолнат во влезови на згради, но биле бркани и нападнати.

— реклама —

Очевидци тврдат дека полицијата апсела и тепала и лица кои воопшто не учествувале на протестот, извлекувајќи ги од околните локали.

Особено ја вознемири јавноста снимка на која се гледа како десетина полицајци во Караѓорѓева улица туркаат младо лице на асфалтот и продолжуваат да го удираат. Според неофицијални информации, тој е задржан во болница.