Снимките од Градскиот парк најдобро сведочат за разорната моќ на невремето што минатата недела го погоди Скопје. Иако поминаа неколку дена, последиците сè уште се видливи, а службите продолжуваат со расчистување на терен.
На снимките може да се забележат огромни дрвја откорнати од корен, искршени гранки и сериозно оштетено зеленило, што ја отсликува силата на невремето кое го зафати главниот град.
За време на невремето ветерот достигна брзина од околу 130 километри на час, што спаѓа во категоријата на оркански ветрови. Силните налети предизвикаа голема материјална штета низ Скопје – одлетаа голем број покриви, беа оштетени објекти и возила, а на повеќе локации паднаа стотици дрвја.
Градскиот парк беше меѓу најпогодените локации, каде што повеќе децениски дрвја беа откорнати од корен.
