(Видео) „Србијо, те сакаме! Во недела ја ослободуваме татковината“ – последна порака од студентите пред изборниот молк

„Народе на Србија, во изминатите две години ви дадовме сè. Во недела сите заедно излегуваме на гласање и ја ослободуваме нашата татковина.“ Со оваа порака студентите во блокада им се обратија на граѓаните на Србија, непосредно пред почетокот на изборниот молк за изборите закажани за 25 октомври.

Во објава на официјалниот профил на социјалната мрежа Икс, студентите упатија емотивна порака, потсетувајќи на протестите, блокадите и активностите што ги организирале во изминатите две години.

— реклама —

View this post on Instagram

„Ја препешачивме Србија надолж и нашироко, го посетивме секое село и покажавме дека сме достојни на нашата историја и на нашите предци“, порачаа студентите.

— реклама —

Во завршниот дел од објавата повикаа на масовно излегување на изборите.

„Во недела сите заедно излегуваме на гласачките места и ја ослободуваме нашата татковина. Србијо, ТЕ САКАМЕ“, стои во нивната порака.

— реклама —

Објавата следува по завршниот предизборен собир на Студентската листа, одржан на плоштадот Славија во Белград, каде што, според српските медиуми, се собрале илјадници граѓани.

На присутните им се обратиле повеќе кандидати од Студентската листа, а по говорите тие поминале низ насобраните граѓани, носејќи по еден примерок од Уставот на Србија. Дел од присутните потоа заиграле оро.

Со полноќ започнува изборниот молк во Србија, кој ќе трае до недела, 25 октомври, во 20 часот, кога се затвораат гласачките места.

Пораката на студентите претставува завршен повик до граѓаните пред гласањето, по двегодишниот период на студентски протести и политичка мобилизација.