(Видео) Стојна поминала 68 дена во притвор, но не отстапува од наплатата кај Куклица: Беше стресно!

Стојна Димитровска-Бот поминала 68 дена во притвор, но и по излегувањето останала на ставот дека има право да наплаќа услуги кај локалитетот Камени Кукли.

Во „Претрес со Ландов“ тврдеше дека не прави ништо нелегално, а за периодот додека била притворена кажа дека, според нејзините сознанија, наплатата продолжила.

„Мислам дека да“, одговори на директното прашање дали некој наплаќал и додека таа била во притвор.

— реклама —

Објасни дека не е единствената што е присутна кај локалитетот и дека таму има и други членови од здружението „Извор Кратово“.

Водителот Кристијан Ландов ја праша зошто по искуството со притворот продолжила со истото постапување, кога институциите и укажуваат дека е незаконско. Стојна одговори дека смета оти не прекршува ништо и дека го користи правото што го има.

— реклама —

За притворот кажа дека бил стресно искуство, особено затоа што е уверена дека не сторила нешто за што требало да биде притворена.

Истовремено, позитивно зборуваше за професионалноста на вработените во установата. Направи разлика меѓу условите во објектот и односот на луѓето што работеле таму, за кои рече дека навреме ги извршувале обврските.

Во емисијата Ландов прочита и одговор од МВР, според кој против неа биле поднесени две кривични пријави — за спречување службено лице во вршење службени дејствија и за узурпација на недвижности. Во прочитаниот одговор беше наведено и дека по уште две лишувања од слобода во последниот месец ќе следуваат дополнителни пријави.

— реклама —

Стојна не ги прифати обвинувањата за незаконско постапување.

Тврдеше дека ги почитува правилата и законите, а за постапувањето на институциите изнесе сомневање дека е по наредба од повисоко ниво, без да именува кој би стоел зад тоа, ниту да понуди доказ.

— реклама —

Зошто вели дека нема да отстапи, кој се грижи за локалитетот во нејзино отсуство и што раскажа за деновите во притвор?

Гледајте го целиот „Претрес“.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK 3:01:09