(Видео) Стотици литри млеко завршија пред Министерството – косовските млекари на протест

Незадоволни од односот на институциите кон млечната индустрија, производителите на млеко во Косово вчера одржаа протест пред Министерството за земјоделство, шумарство и рурален развој, при што истурија стотици литри млеко пред влезот на институцијата, јавува Анадолу.

— реклама —

Со камиони и цистерни тие побараа државата да преземе конкретни мерки за поддршка на секторот, да обезбеди поголема сигурност за домашното производство и да поттикне нови инвестиции во млечната индустрија.

Едно од нивните главни барања е Владата итно да го запре увозот на млеко по дампинг-цени од земјите во регионот. Според нив, таквата практика им нанесува штета на домашните производители и ги става увозниците во поповолна положба.

— реклама —

Протестот следува по привременото затворање на млекарницата „Вита“ во Исток, кое компанијата го спроведе по инспекцискиот надзор што на 2 јули го изврши Агенцијата за храна и ветеринарство.

— реклама —

Од компанијата соопштија дека производството ќе продолжи веднаш штом надлежните институции ги објават резултатите од анализите на земените примероци.

Во меѓувреме, Агенцијата за храна информираше дека при извршената контрола биле утврдени одредени неправилности во работењето, односно несогласувања со важечката законска регулатива.

— реклама —

View this post on Instagram