(Видео) Трамп најави вклучување на други држави во блокадата на Иран

Американскиот претседател Доналд Трамп изјави дека и други држави ќе се приклучат на поморската блокада на Иран, но не откри за кои земји станува збор. Одговарајќи на новинарско прашање дали очекува поддршка од сојузници, Трамп рече дека постои интерес за учество, но додаде дека САД можат да ја спроведат операцијата и самостојно.

— реклама —

„Да, и други земји ќе учествуваат“, изјави Трамп, посочувајќи дека повеќе детали за тоа кои држави се вклучени би можеле да бидат објавени наскоро. Воедно нагласи дека, иако понудената помош е добредојдена, Вашингтон не е зависен од поддршката на партнери за спроведување на мерките.

— реклама —

Поморската блокада на иранските пристаништа стапи во сила вчера попладне и се однесува на целиот бродски сообраќај поврзан со Иран. Американските власти предупредија дека секое пловило што ќе влезе во зоната без дозвола може да биде пресретнато или запленето.

— реклама —

Овој потег дополнително ги зголемува тензиите во Ормуски теснец, една од најважните глобални рути за транспорт на нафта, каде и претходно имаше зголемено воено присуство и ризик од ескалација.