(Видео) Трамп со нова идеја за преименување: сојузната држава Ново Мексико да стане „Нова Америка“

Американскиот претседател Доналд Трамп повторно отвори прашање за промена на географско име во САД. Овојпат изјави дека му се допаѓа идејата сојузната држава Ново Мексико да го промени името во „Нова Америка“.

— реклама —

„Многу луѓе предложија Ново Мексико, една од најголемите држави на сите времиња во однос на изборните измами, да се преименува во Нова Америка. Тоа е многу попрестижно и поубаво име за жителите на таа потенцијално неверојатна држава. Многу ми се допаѓа таа идеја“, напиша Трамп на својата социјална мрежа Truth Social.

— реклама —

Ова не е првпат американскиот претседател да покрене иницијатива поврзана со промена на географско име. Само десетина дена претходно, кон крајот на август, Трамп објави дека езерото Онтарио го преименувал во „Езеро Америка“.

Тој тогаш во Овалната соба потпиша извршна наредба, со која на американските федерални служби задолжени за географските називи им наложи да го променат името на езерото.

— реклама —

Езерото Онтарио е едно од петте големи езера во Северна Америка и се наоѓа на границата меѓу канадската провинција Онтарио и американската сојузна држава Њујорк.