(Видео) Уништена резиденцијата на иранскиот врховен лидер

Ирански функционери биле главна цел на првиот бран американско-израелски напади врз Иран, пренесе агенцијата Ројтерс, повикувајќи се на извор запознаен со ситуацијата. Според израелски воени извори, сè уште се проценува успешноста на почетните удари.

— реклама —

Извори блиски до иранските власти тврдат дека во нападите биле убиени неколку високи команданти на Иранската револуционерна гарда, како и политички функционери.

— реклама —

Иранските медиуми објавија дека експлозии, покрај во Техеран, се слушнале и во Табриз, Исфахан, Ком и Керманшах. Според официјални извори, во главниот град биле погодени повеќе објекти поврзани со министерства.

— реклама —

Иранската агенција Тасним соопшти дека седум ракети погодиле област во близина на претседателската палата и комплексот на врховниот верски лидер. Претходно беше објавено дека врховниот лидер ајатолах Али Хамнеи бил префрлен на безбедна локација надвор од Техеран. Подоцна медиумите информираа дека иранскиот претседател Масуд Пезешкијан е безбеден и во добра здравствена состојба, како и министерот за надворешни работи Абас Аракчи, кој не бил повреден.