(Видео) Во Хамедан се слушаат експлозии и сирени

На социјалните мрежи се шири видео од иранскиот град Хамедан, на кое се гледа голема група луѓе собрано на главниот градски плоштад додека во позадина се слушаат експлозии и активност на противвоздушната одбрана. Снимката ја објави иранската државна новинска агенција IRNA, а автентичноста ја потврди CNN.

— реклама —

Според IRNA, собраните учествувале на церемонија посветена на „петтемината маченици од Рамазанската војна“. На снимката се гледа како верски пејач, познат како маддах, ја предводи молитвата.

— реклама —

Додека во далечината се слушаат експлозии и сирени, пејачот започнува да вика „Аллаху Акбар“ („Бог е голем“), по што присутните се приклучуваат. Потоа почнуваат да скандираат „Смрт на Америка! Смрт на Израел!“, а маддах ги повикува присутните „никогаш да не прифатат понижување“, по што започнуваат да викаат „Хајдар! Хајдар!“. Дел од присутните се придружуваат на овој повик.

— реклама —

Хајдар е друго име за имам Али, зет на пророкот Мухамед и првиот имам во шиитскиот ислам, доминантната струја во Иран.

Војната помеѓу САД, Израел и Иран започна кон крајот на минатиот месец по серија израелски и американски напади врз ирански воени цели. Техеран возврати со ракетни напади врз Израел и американски цели во регионот, а судирите се проширија и на Либан, каде Израел гаѓа позиции на Хезболах.

Ормускиот теснец, низ кој минува околу петтина од светската трговија со нафта, практично е затворен за танкерски промет откако борбите ескалираа пред две недели. Нападите врз поморската инфраструктура, заканите со мини и воените дејствија предизвикаа раст на цените на нафтата и сериозни нарушувања на енергетските пазари.