Група вооружени израелски доселеници ноќеска упаднала во селото Кирбет а-Туба, јужно од Хеброн, на окупираниот Западен Брег, при што запалила неколку станбени објекти, јавуваат палестинските медиуми.
Според палестинската новинска агенција „Вафа“, повеќе жители, меѓу кои жени и деца, побарале лекарска помош поради вдишување чад.
Други палестински медиуми објавија дека во нападот биле повредени пет Палестинци.
На местото на нападот биле испишани графити на хебрејски јазик со натпис „Ерец Јехуда“ („Земја Јудеја“), историски назив што израелските националисти го користат за да го истакнат правото на Израел врз тој дел од окупираниот Западен Брег.
