(Видео) Вучиќ се појави како келнер во предизборен спот: Граѓаните „нарачуваат“ што сакаат од Србија

Александар Вучиќ се појавува како келнер во нов предизборен спот објавен на неговиот профил на Икс. Во рекламата, семејство во ресторан не нарачува храна, туку различни политички барања за иднината на Србија.

— реклама —

Меѓу „нарачките“ се автопати, повисоки плати и пензии, нови породилишта, бесплатно образование и стабилен курс на динарот. Членовите на семејството бараат и зачувување на Косово и Метохија, како и продолжување на политиката без воведување санкции кон Русија.

View this post on Instagram

— реклама —

Во еден момент, помлад член од семејството вели дека сака „да замине Вучиќ“, но таткото ја пренасочува неговата „нарачка“ кон бесплатно образование.

— реклама —

Една од младите членови на семејството бара Србија да стане членка на Европската Унија и НАТО. На тоа Вучиќ, во улога на келнер, одговара дека „НАТО го нема, но има мир и стабилност“.

На крајот, Вучиќ ги прашува што сакаат за десерт, а од семејството следува барањето за стабилен курс на динарот. Спотот завршува со Вучиќ, кој ја напушта масата, додека бабата коментира дека е „фин човек“.

Видеото е објавено во пресрет на парламентарните избори во Србија, закажани за 25 октомври.