(Видео) Вулин со снимка од Москва демантираше дека избегал од Србија

Поранешниот српски функционер и претседател на Движењето на социјалистите, Александар Вулин, пристигна во Москва, од каде што ги отфрли информациите дека избегал од Србија. Тој остро ги критикуваше медиумите што објавија дека авионот со кој патувал бил вратен во Белград поради проблеми со безбедносната проверка.

— реклама —

Вулин на Инстаграм објави видео во кое потврди дека се наоѓа во Москва. Во пораката нагласи дека не ја напуштил Србија и дека никогаш не би заминал од земјата без своето семејство.

— реклама —

„Можеш да одиш на натпревар без своите синови, но не можеш да живееш без нив. Исто како што не можеш да живееш без Србија“, порача Вулин.

Авионот на „Ер Србија“, кој во вторникот вечерта полетал од белградскиот аеродром „Никола Тесла“ кон Москва, подоцна бил вратен во Белград.

— реклама —

Според неофицијални информации објавени од порталот „Нова“, причината за враќањето била тоа што било утврдено дека Вулин не ја поминал безбедносната проверка.

— реклама —

View this post on Instagram