(Видео) За малку избегнат инцидент на небото над Алјаска: рускиот борбен авион му го пресече патот на американскиот

Северноамериканската воздушна и вселенска одбранбена команда (НОРАД) објави видео од ескадрила ловци пресретнувачи Ф-16Ц, кои доживеаја инцидент на небото во близина на Алјаска минатата недела.

— реклама —

Имено, пар борбени авиони Ф-16Ц полетале за оперативно да пресретнат пар руски стратешки бомбардери Ту-95 и нивната борбена придружба.

— реклама —

— реклама —

На снимката се гледа дека во еден момент рускиот борбен авион Су-35 изведува маневар на многу кратко растојание од американскиот борбен авион Ф-16Ц, пресекувајќи му го патот.

Порталот „Воена зона“ пишува дека ова е најблиската средба меѓу руските и американските пилоти откако стратешкиот бомбардер Б-52 доживеа сличен инцидент со Русите во 2020 година над Црното Море.

На видеото што го објави НОРАД јасно се гледа колку пилотот на американскиот борбен авион бил вознемирен од маневарот на Су-35. Рускиот авион остана во меѓународниот воздушен простор и не влезе во американскиот или канадскиот суверен воздушен простор. Оваа руска активност во близина на Алјаска се случува редовно и не се смета за закана.