(Видео) Земјотрес од 5,6 степени во Перу, по главниот удар следуваа уште два потреса

Земјотрес со јачина од 5,6 степени според Рихтеровата скала ја погоди централната област на Перу, соопшти Европско-медитеранскиот сеизмолошки центар (EMSC).

— реклама —

Епицентарот на потресот бил на длабочина од 22 километри. Американскиот геолошки институт (USGS) го оцени земјотресот како „значаен“ поради неговата умерена јачина и фактот што се случил во сеизмички многу активен регион, каде честите потреси се предизвикани од субдукцијата на плочата Наска.

— реклама —

По главниот потрес биле регистрирани уште два последователни земјотреса со помал интензитет. Едниот се случил 17 минути подоцна на истото подрачје и бил со магнитуда од 3,7 степени.

— реклама —

Земјотресот бил почувствуван и во главниот град Лима, како и во градот Уанкајо, каде што жителите на социјалните мрежи објавија дека почувствувале силно тресење. Дел од нив превентивно ги напуштиле домовите и зградите.

Засега нема информации за загинати, повредени или за материјална штета. Надлежните служби продолжуваат со проценките во областите каде што земјотресот бил најсилно почувствуван.