Од МВР соопштија дека на 30 мај 2026 година, околу 02:00 часот, полициски службеници од ОВР Ресен ја лишиле од слобода Ш.С. од Штип, со престој во Ресен, бидејќи била затекната при обид да изврши кражба.
По целосното документирање на случајот, против осомничената е поднесен соодветен поднесок.
На социјалните мрежи, пак, беше објавена видеоснимка од инцидентот, на која се гледа како жена со секира удира по банкомат на банка во Ресен.
Снимката предизвика бројни реакции кај граѓаните и брзо стана вирална на интернет.
Во дел од објавите што го придружуваат видеото, се изнесуваат различни толкувања за мотивите за делото. Сепак, официјалните информации од полицијата засега говорат дека станува збор за обид за кражба.
