(Видео) Жерновски со прашање до Владата: Во која земја, по Бугарија, има најмногу бугарски државјани во владата?

Поранешниот градоначалник на Општина Центар и актуелен член на Извршниот одбор на СДСМ, Андреј Жерновски, преку видео објавено на социјалните мрежи упати критика до актуелната власт, поставувајќи прашање поврзано со бугарските државјанства.

— реклама —

Во видеото, снимено пред зградата на Владата, Жерновски поставува, како што вели, „наградно прашање“ до јавноста.

— реклама —

„Наградно прашање во кое може да учествува секој, без разлика на својата полова, етничка, верска, политичка или „владина“ припадност. Наградното прашање гласи: Денеска, во која земја во Европа, односно во светот, по Бугарија, има најмногу бугарски државјани во својата влада?“, прашува Жерновски во видеото.

Објавата на функционерот на СДСМ доаѓа во период кога во јавноста повторно се отвораат дебати за поседувањето странски државјанства од страна на носители на јавни функции.

— реклама —