Владина делегација предводена од премиерот Ковачевски оддаде почит на Никола Карев, првиот претседател на Крушевската Република

Владината делегација предводена од премиерот Димитар Ковачевски оддаде почит и положи свежо цвеќе на вечното почивалиште на Никола Карев, првиот претседател на Крушевската Република, во „Македониумот“ на Гумење - Крушево.

— реклама —

Со ова започнува централната прослава во Крушево на големиот државен празник 2 Август, Денот на Републиката - Илинден, кој оваа година се одбележува под слоганот „Нашата сила за иднината“.

— реклама —

Претседателот на Владата, Ковачевски ја предводи владината делегација во состав од заменичката на претседателот на Владата задолжена за политики за добро владеење Славица Грковска и министерот за внатрешни работи, Оливер Спасовски.

— реклама —

Владината делегација предводена од премиерот Ковачевски ќе оддаде почит и ќе положи венци свежо цвеќе на историските спомен обележја посветени на Илинден во Крушево, на споменикот на Слива, кој претставува симбол на саможртвата на македонските востаници во одбраната на Крушевската Република, а ќе присуствуваат и на Панихида којашто традиционално се организира секоја година во чест на загинатите илинденци во црквата „Св. Никола“ во Крушево.

— реклама —

Потоа, следи централната манифестација и обраќањето на премиерот Ковачевски на Мечкин Камен.