„Власта продава лажен патриотизам, со една рака мавта со знамето дека се Македонци, со другата краде колку што може да се украде“ , вели Жерновски

Секретарот за меѓународна соработка на СДСМ, Андреј Жерновски, гостувајќи во емисијата „24 Анализа“ ја обвини власта за, како што рече, „лажен патриотизам“, оценувајќи дека зад националната реторика се кријат манипулации и заштита на криминалот.

— реклама —

Жерновски се осврна на повлечениот предлог за двојно државјанство, кој претходно беше најавен од премиерот Христијан Мицкоски.

— реклама —

„Од патриот којшто е, ќе нè брани нас од двојни државјанства, утредента излезе премиерот со изјава дека ќе се повлече предлогот затоа што треба да се консултираат дали е според Уставот“, рече Жерновски.

Според него, со тоа станало јасно „колку Бугари има во партијата, Владата и Парламентот“, по што документот бил повлечен.

— реклама —

Жерновски оцени дека патриотизмот на владејачката партија е „пропаганда“, а дека преку лаги, манипулации и лицемерие се одржува политичката моќ.

„Со една рака ќе мавтаат со знамето дека сме Македонци за да излеземе патриоти, а со другата рака ќе крадат колку што може да се украде“, изјави Жерновски, додавајќи дека СДСМ ќе се обиде да го спречи тоа.