Влажни коловози и магла во Крушево – АМСМ апелира за внимателно возење

Сообраќајот на државните патишта низ земјава се одвива непречено, но по влажни коловози, информираат од АМСМ. Намалена видливост поради магла до 50 метри е забележана во Крушево, што бара дополнителна внимателност од возачите.

— реклама —

Интензитетот на сообраќајот надвор од градските средини е умерен, додека на граничните премини, од македонска страна, засега нема подолги задржувања за влез и излез од државата.

— реклама —

— реклама —

АМСМ апелира до возачите да ја прилагодат брзината според условите на патот, да ја почитуваат сообраќајната сигнализација и да управуваат внимателно, особено на делниците низ котлини, речни долини и клисури каде постои ризик од одрони. Како покритични се посочуваат патните правци Катланово – Велес, Маврово – Дебар – Струга, Виница – Берово и Кочани – Делчево.

Воедно, потсетуваат дека патниот правец Охрид – Ресен преку Националниот парк Галичица беше затворен за сообраќај до 31 март, согласно сезонскиот режим.