ВМРО-ДПМНЕ: Храброста на борците од НОБ нека биде поттик за подобра иднина

ВМРО-ДПМНЕ упати честитка по повод 11 Октомври – Денот на народното востание, истакнувајќи дека овој датум претставува потсетник за храброста на борците од Народноослободителната борба и обврска за зачувување на нивните идеали за слобода.

— реклама —

„На 11 октомври 1941 година во Прилеп и Куманово, Македонците храбро го кренаа првиот удар за слобода“, се наведува во честитката на партијата.

— реклама —

Од ВМРО-ДПМНЕ им оддаваат почит на борците и нивната пожртвуваност, нагласувајќи дека нивните идеали за слобода и создавање самостојна и независна држава треба да бидат водилка и за денешните генерации.

Од партијата посочуваат дека е потребно обединување и заеднички ангажман за изградба на попросперитетна Македонија, преку вложување на знаење и труд во развојот на татковината.

— реклама —

Во честитката се нагласува и важноста идеалите на борците да им се пренесат на младите генерации, како и да се негува идејата за живот и напредок во сопствена, самостојна и независна држава.

„Нека е честит 11 Октомври, Денот на народното востание!“, порачуваат од ВМРО-ДПМНЕ.