ВМРО-ДПМНЕ обвинува за политички прогон и монтирани случаи во време на СДС и ДУИ

ВМРО-ДПМНЕ обвини за политички прогон на поранешни функционери и за, како што наведува, злоупотреба на институциите во периодот на владеење на СДСМ и ДУИ.

— реклама —

Од партијата тврдат дека тој период бил одбележан со политички монтирани случаи, кои, според нив, се спроведувале преку обвинителството и судството, наместо врз основа на правото. Во соопштението се наведува дека одлуки се носеле по политичка нарачка, а оние што одбивале да постапуваат на таков начин биле разрешувани.

— реклама —

Како пример се посочува поранешниот судија на Врховниот суд, Ристо Катевеновски, кој во интервју изјави дека бил разрешен откако одбил да даде позитивно мислење за предмет поврзан со поранешната министерка за внатрешни работи, Гордана Јанкуловска. Според неговите тврдења, не постоела правна основа за поинакво постапување, а разрешувањето следувало по неговото одбивање.

— реклама —

Од ВМРО-ДПМНЕ оценуваат дека овие наводи ја доведуваат во прашање независноста на судството во тој период и упатуваат на системски притисоци врз носителите на правосудни функции.

— реклама —

Партијата бара сеопфатен и суштински реформски процес во правосудството, со цел враќање на довербата на граѓаните, обезбедување владеење на правото и гарантирање еднаквост пред законите, нагласувајќи дека, како што велат, одговорност мора да има.