ВМРО-ДПМНЕ: Талогот Жерновски како папагал со предавничките политики на Филипче, им смета дека Фон дер Лајен ги пофали реформите и дека Владата работи на подобри позиции

ВМРО-ДПМНЕ преку соопштение реагира на изјавите на Андреј Жерновски од СДСМ, оценувајќи дека неговите критики се повторување на ставовите на лидерот на СДСМ, Венко Филипче.

Од партијата велат дека наместо критики, СДСМ треба да го земе предвид фактот што, како што наведуваат, претседателката на Европската комисија Урсула фон дер Лајен ги пофали реформите и работата на Владата во насока на приближување на Македонија кон Европската Унија.

— реклама —

„Фон дер Лајен јавно ја истакна Македонија предводена од Владата на ВМРО-ДПМНЕ како пример за спроведување на реформите и посветена работа за приклучување на Македонија кон ЕУ“, наведуваат од ВМРО-ДПМНЕ.

— реклама —

Од партијата додаваат дека на средбата со Фон дер Лајен била иницирана можност за подобрување на преговарачките позиции на Македонија и одблокирање на европскиот пат. ВМРО-ДПМНЕ оценува дека токму тоа е причината поради која, според нив, СДСМ реагира.

Во реакцијата се поставува и прашањето зошто СДСМ негативно гледа на можноста Македонија да добие подобри позиции и гаранции во процесот на интеграција во ЕУ.

— реклама —

ВМРО-ДПМНЕ се осврнува и на прашањето за Европското јавно обвинителство и независното правосудство. Од партијата тврдат дека независните судии и обвинители се неприфатливи за СДСМ, при што го споменуваат и случајот со модуларната болница.

Во продолжение на реакцијата, ВМРО-ДПМНЕ наведува дека на СДСМ, според нив, му пречат реформите и проектите на Владата, меѓу кои ги посочува патиштата, болниците, Клиничкиот центар, железницата, центрите за податоци, инвестициите и новите работни места.

Од партијата оценуваат дека политиките на СДСМ и критиките од Жерновски нема да го попречат спроведувањето на владината програма и велат дека Владата продолжува да работи на, како што наведуваат, државните и националните интереси.