„ВМРО-ОКГ повторно со дефокус - наместо за криминал и економски колапс, прават конструкции за ЈП ПОЦ“, вели СДСМ

СДСМ денеска преку соопштение ги отфрли обвинувањата на ВМРО-ДПМНЕ поврзани со работењето на ЈП „Паркинзи на Општина Центар“ (ПОЦ), оценувајќи дека станува збор за обид за дефокусирање на јавноста од, како што наведуваат, вистинските проблеми во државата.

— реклама —

Од партијата тврдат дека отписот на старите долгови бил спроведен во согласност со законските прописи и дека најголем дел од побарувањата се однесувале на мали износи создадени во подолг временски период, вклучително и за време на ковид-кризата.

— реклама —

Според СДСМ, во најголем број случаи станувало збор за една или две неплатени рати, при што трошоците за евентуални судски постапки би биле повисоки од самиот долг.

— реклама —

Во реакцијата, СДСМ оценува дека ВМРО-ДПМНЕ нема одговори за, како што наведуваат, економската состојба, европските интеграции и други актуелни прашања, поради што, според партијата, се обидува да отвори теми кои немаат основа.

— реклама —

Партијата исто така упати критики кон ВМРО-ДПМНЕ, обвинувајќи ја дека преку политички конструкции се обидува да го пренасочи вниманието на јавноста.