Сообраќајот на државните патишта утрово се одвива непречено и по суви коловози, информира Автомото сојузот на Македонија во редовниот извештај за состојбата на патиштата.
Интензитетот на сообраќајот надвор од градските средини е умерен, а на граничните премини од македонска страна нема подолги задржувања за влез и излез од државата.
Од АМСМ апелираат возачите да ја приспособат брзината на условите на патот и да бидат особено внимателни на делниците каде постои опасност од одрони, особено на патните правци Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен преку Националниот парк Галичица останува отворен за сите возила до 3,5 тони.
Во меѓувреме, продолжуваат повеќе градежни активности и времен режим на сообраќај на неколку патни делници во државата. Работи се изведуваат на делницата Гостивар – Стража, на мостовите кај Желино, на скопската обиколница помеѓу клучките Волково и Кондово, на автопатот Смоквица – Гевгелија, како и на делницата Прилеп – Битола поради изградбата на Коридорот 10Д.
На патниот правец Кичево – Охрид, поради градежни работи на повеќе делници, сообраќајот се одвива со девијации и поставена е соодветна сигнализација. Од АМСМ препорачуваат нејзино строго почитување и внимателно управување со возилата.
